عروستي الميته الجزء الاول

اصحي ي عمرو ،  يا عمرو اصحي ، هتتأخر علي فرحنا.      اصحي اصحيييي.

• مين بينادي.

- انا يا عمرو  

• انا عارف الصوت ده بس مش مجمع مين!!!

- انا الي هخلص عليك و عليها .

(طلعتلي بنت مسكه سكينه ب وش وحش اوي و ضربتني في قلبي)

 أعوذ بالله ايه ده اعوذ بالله حلم وحش اوي.

انا عمرو عندي 25 سنه . هحكيلكو علي حاجه حصلت معايا من 7 سنين .

انا فاكر كل لحظة حصلت في الفترة دي او بالتحديد في اسواء يومين في حياتي .

كان عندي 18 سنه قبل ما احكي ايه الي حصل 

انا بحب العربيات اوي و بحب اسوقها .

فاول م كملت 18 سنه طلعت رخصه قيادة . و يارتني م طلعتها !! 

انا مرتبط ب بنت جميله اوي و الحمد لله اتجوزتها بعد معاناه في يومين .

اه في يومين و هتعرفو ليه .

والدي عنده عربيه  .  اول عربيه سوقتها في حياتي و بحبها اوي بحب اسوقها يعني و كنت عايز العربية دي عشان مسافر اخلص ورق لشغلي عذان اخد إجازة  عشان خطوبتي بكره . بس الدنيا كانت ليل 

ف بابا قالي لا عايز تروح اركب عربيه او اححز تذكرة قطر لكن متسوقش بليل .

بس انا كنت عايز اروح بالعربيه . و بصراحه انا سوسوه شويه .

ف استنيت بابا لحد م نام و اخدت مفتاح العربيه و نزلت ، كانت الساعه 2 الفجر.

نزلت و كانت  الدنيا بتشتي . بس انا كنت حران اوي معرفش ازاي و الدنيا كانت بتشتي . بس عادي يعني توتر اصل انا كنت خايف بابا يصحي قبل م امشي و ارجع انا عامل حسابي هروح و ارجع قبل م بابا يصحي .

 دورت العربية و مشيت  و طلعت من المنطقة بتاعتي ، فلقيت بنت لبسه فستان فرح و بتبصلي و ضحكت .

ماخدتش في بالي و كملت لحد م وصلت طريق زراعي .

حسيت ب نفس في العربيه و لقيت الراديو اشتغل علي صوت زغاريط و طبل بس انا ملمستش  الراديو. 

سمعت ضحكه ورايا في العربيه بصيت في المرايا شوفت عيون سوده و مرة واحده  لقيت بنت ودامي واقفة بتضحك ملحقتش افرمل و خبطتها .  

نزلت من العربيه ملقتش حاجه قعدت ادور على البنت ملقتهاش 

قلت انا بتخيل و ممكن اكون تعبان او مجهد.

رجعت ركبت العربيه و ببص ورايا ملقتش حاجه. 

كملت و مشيت بس فضلت بفكر في البنت دي .

ايه ده !! البنت دي شبه البنت الي جاتلي في الحلم و كانت لبسا نفس اللبس .

هو حلم كان مفزع الصراحه. فقولت ممكن تهيؤات و بحاول اقنع نفسي ان كل ده مجرد تهيؤات.

ف شغلت الراديو عشان اشغل نفسي عن الحوار ده ،، بس ثواني الراديو كان شغال من شويه لوحده و اتطفي لوحده بارده.

ايه ده طينه علي زرار التشغيل. 

طب انت لو مكاني هتعمل ايه؟؟!!

انا قلبي بيدق جامد وعرقان و الحو حسيته بقي خنقه اوي.

سمعت صوت بينادي عليا ( عمرو  ،  عمرو  )

و انا عمال ادور علي المصدر .

مره واحده الصوت اتغير ل صوت قطه .

لحد  م اتصدمت صدمه .

لقيت قطه جمبي علي الكرسي لونها اسود و عيونها وحشه اوي و بتبصلي بكل غضب و مرة واحده هجمت عليا.

مخبيش عليكو انا أغمي عليا ... بصو انا مش بخاف بس معلش لو حصلكوا كل ده كنتوا هتعملو ايه . 

المهم  انا فقت و بفتح عيني مكنتش شايف حاجه لحد م وحده وحده بدأت اشوف طبيعي لقيت نفسي نايم علي سرير و في اوضه انا عرفها كويس 

ايوة دي اوضتي ..

ايه ده هو انا كنت بحلم!!!؟؟!

فقمت من علي السرير و ببص في المرايا لقيت في دم علي وشي و هربشه جامده في ايدي و وشي و شعري مبلول و في طينه علي هدومي ، و دي نفس الهدوم الي كنت لبسها و انا مسافر ..

يعني ايه انا مكنتش بحلم و كل الي حصل ده بجد .

طب انا جيت هنا ازاي طب بابا عرف ان العربيه كانت معايا ... ايه اللغبطه دي .

 طلعت اغسل وشي. ، لقيت بابا قاعد بيتغدي  

فقالي ايه  ي بني كل ده نوم ، ايه الي في وشك ده ي عمرو و هدومك متبهدله ليه كده انت كنت بتتعارك؟؟؛!!

ف رديت لا ي بابا انا اتخبطت بس و انا جي امبارح.

امبارح؟! امبارح ايه ي عمرو انت منزلتش و دخلت نمت علي الساعه 10 .

بدات اتوه و اتلغبط اكتر و بابا بيكلمني و انا مش معاه تقريبا . 

طب خلاص ي بابا هخش اغسل وشي و اجيلك ي حج.

انا مش فاهم حاجه ،، انا فعلا دخلت الاوضه امبارح و عملت نفسي نايم عشان بابا ينام و انزل.

و قمت اخدت المفتاح و نزلت علي 2 الفجر..

بس لو كل ده حصل انا جيت هنا ازاي .. انا اخر حاجه فاكرها اني شفت قطه و هجمت عليا واغمي عليا بعديها ...

انا حاسس ان دماغي هتنفحر ف غسلت دماغي و وشي و ببص في المرايا عشان اشوف وشي  لقيت البنت ورايا.

اتصدمت بصيت ورايا ملقتش حاجه ديرت وشي لقيتها بتضحكلي في المرايا و مره واحده شدتني جوا المرايا!!!!

الجزء الثاني هنا